Мы хочам сабрацца разам і пабалбатаць. Так-так, менавіта так.

Пра тое, як жыць далей. Як не разваліцца на кавалачкі. Як знаходзіць сілы, калі здаецца, што батарэйка ўжо даўно міргае чырвоным. Нам ёсць пра што пагаварыць: • як лекаваць ката; • па чым цяпер kurczak; • чаму да лекара трэба запісвацца   прыкладна за паўгода да хваробы; • што адказаць ва ўжондзе, калі ў цябе   папрасілі прынесці яшчэ адну паперку,   пра існаванне якой ты нават не падазравала; • што азначае гэтае загадкавае   „uprawdopodobnienie” і чаму без яго   зноў нікуды; • як культурна не прыдушыць суседа; і галоўнае — як мы ўвогуле апынуліся ў гэтай кропцы жыцця і што нам цяпер з усім гэтым рабіць.

Мы прыдумалі, як пачаць РАЗМАЎЛЯЦЬ, не прымушаючы сябе размаўляць.

А пакуль будзем нешта разам ствараць, то і пазнаёмімся, і пагаворым, і пасмяемся, і зразумеем, што мы тут не адны такія. Дом будаваць не будзем. Прасці кудзелю доўгімі зімовымі вечарамі таксама не будзем. Хоць… хто нас ведае.

Затое будзем адкопваць з сябе ТВОРЦУ. Сапраўднага. Таго самага, што ўжо каторы год хаваецца пад працай, дзецьмі, навінамі, трывогамі, спісамі спраў і вечным «потым разбяруся». Будзем адкопваць яго цэлы год. Заадно дапаможам суседцы. Разбяромся з некалькімі жыццёвымі пажарамі і з усімі конямі, што носяцца па нашым жыцці.

Галоўнае — быць гатовай часам гаварыць, часам слухаць, часам смяяцца, а часам проста сядзець з кубкам гарбаты і разумець, што цябе разумеюць. Прыходзьце 1 СЕРПНЯ мы будзем сустракацца У ГДАНЬСКУ Будзе магчымасць далучыцца анлайн. За падрабязнасцямі пішыце: vfd2210@gmail.com